OM namo bhagavatyai Arya-praj~nApAramitAyaievaM mayA shrutaM ekasmin samaye.bhagavAn rAjagR^ihe viharati sma gR^idhrakUTa-parvate, mahatA bhikShu-saMghena sArdhaM mahatA ca bodhisattva-saMghena.tena khalu punaH samayena bhagavAn gambhIra-avabhAsaM nAma dharmaparyAyaM bhASitvA samAdhiM samApannaH.tena ca samayena Arya-avalokiteshvaro bodhisattvo mahAsattvo gambhIrAyAM praj~nApAramitAyAM caryAM caramANa evaM vyavalokayati sma: pa~nca-skandhAs tAMsh ca svabhAva-shUnyAn vyavalokayati.atha-AyuSmA~nc ChAriputro buddha-anubhAvena Arya-avalokiteshvaraM bodhisattvaM mahA-sattvam etad avocatyaH kashcit kUlaputro vA kuladuhitA vA asyAM gambhIrAyAM praj~nApAramitAyAM caryAM cartukAmas tena kathaM shikSitavyam. evam ukta Arya-avalokiteshvaro bodhisattvo mahAsattvo AyuSmantaM shAriputram etad avocat yaH kashcic ChAriputra kulaputro vA kuladuhitA vA asyAM gambhIrAyAM praj~nApAramitAyAM caryAM cartukAmas tenaivaM vyavalokitavyam. (Arya-avalokiteshvaro bodhisattvo gambhIrAM praj~nA-pAramitAcaryAM caramANo vyavalokayati sma pa~nca-skandhAs tAMsh ca svabhAva-shunyAn pashyati sma.)iha shAriputra rUpaM shUnyatA shUnyataiva rUpaM rUpAn na pR^ithak shUnyatA shUnyatAyA na pR^ithag rUpaM yad rUpaM sA shUnyatA yA shUnyatA tad rUpaM. evam eva vedanA-saMj~nA-saMskAra-vij~nAnam.iha shAriputra sarva-dharmAH shUnyatAlakShaNA anutpannA aniruddhA amalA avimalA anUnA aparipUrNAHtasmAc ChAriputra shUnyatAyAM na rUpaM na vedanA na saMj~nA na saMskArAH na vij~nAnam na cakshuH-shrotra-ghrANa-jihvA-kAya-manAMsi na rUpa-shabda-gandharasa-spraSTavya-dharmAH na cakSur-dhAtur yAvan na manovij~nAna-dhAtuH na-avidyA na-avidyA-kSayo yAvan na jarAmaraNaM na jarAmaraNakSayo na duHkha-samudaya-nirodha- mArgA na j~nAnaM na prAptir na-aprAptiH.tasmAc ChAriputra aprAptitvAd bodhisattvo praj~nApAramitAm Ashritya viharaty acittAvaraNaH.cittA-varaNa-nAstitvAd atrasto viparyAsa-atikrAnto.niSThA-nirvANaH.tryadhva-vyavasthitAH sarva-buddhAH praj~nApAramitAm Ashritya-anuttarAM samyaksambodhim abhisambuddhAHtasmAj j~nAtavyaM praj~nApAramitA mahA-mantro mahA-vidyA-mantro .anuttara-mantro .asamasama-maMtraH sarva-duHkha-prashamanaH satyam amithyatvAt. praj~napAramitAyAm ukto mantraH. tadyathA OM gate gate pAragate pArasaMgate bodhi svAhA.evaM shAriputra gambhIrAyAM-praj~nApAramitAyAM caryAyAM shikSitavyaM bodhisattvena. atha khalu bhagavAn tasmAt samAdher vyutthAya-Arya-avalokiteshvarAya bodhisattvAya mahAsattvAya sAdhukAram adAt. sAdhu sAdhu kulaputra, evam etat kulaputra evam etad, gambhIrAyAM praj~nApAramitAyAM caryAM cartavyaM yathA tvayA nirdiSTam anumodyate sarva-tathAgatair arhadbhiH.idam avocad bhagavAn. AttamanA-AyuSmA~nc ChAriputra Arya-avalokiteshvaro bodhisattvo mahAsattvas te ca bhikSavas te ca bodhisattvA mahAsattvAH sA ca sarvAvatI parSat sa-deva-mAnuSa-asura-garuDa-gandharvash ca loko bhagavato bhASitam abhyanandann iti.ity Arya-praj~nApAramitA-hR^idayaM samAptam.